شبكة ومنتديات روح تعز العامه


 
الرئيسيةالبوابةمكتبة الصورس .و .جالتسجيلدخول

شاطر | 
 

 خـائـنـه

اذهب الى الأسفل 
كاتب الموضوعرسالة
عـــ الغيتار ـــازف

¤° beginer °¤<
¤° beginer °¤


ذكر
عدد الرسائل : 20
العمر : 31
بلد الاقامــة : السعوديه
تاريخ التسجيل : 29/09/2007

مُساهمةموضوع: خـائـنـه   السبت يناير 05, 2008 8:21 am

<<< ملامحي انا وامي واختي

يا ناس

يا عالم

اليوم صار موقف قداااااااااااااااااام عيوني

الى الان ماني قادره اصدقه

خذوا القصه وربي يشهد بصدق كل حرف فيها . . .

اليوم بعد ما صلينا المغرب

نزلنا السوق انا وامي واختي المتزوجه

المهم

قضينا اللي نبيه ويوم خلصنا أذن العشاء

طلعنا فوق مكان الالعاب والمطاعم على بال ما تفتح المحلات

المهم طلعنا وجلسنا على طاوله والمكان كله مكشوف قدامنا

قعدنا كذا عشر دقائق وقلت لامي واختي قوموا نتمشى شوي طفشت من الجلسه

قمنا مشينا الا شفنا قدامنا

طاوله عليها طفلين

تقريبا اعمارهم الكبير سبعه سنوات والصغير خمسه سنوات

يبكوووووووووووون ويصيحووووووووووووووون

وربي يا ناس لو شفتوا ملامح وجيههم شيء ماقدر اوصفه

والخوف اللي كان على ملامحهم شيء يقطع القلب

بدون اي تفكير رحنا ناحيتهم ومسكناهم وسمينا عليهم

وكان معاهم شنطه والولد الكبير ماسك جوال قديييييم ومدري مين كان يكلم ويقول

انا اسمي وليد وماما ضاعت . .

قلنا لهم وين ماما

قالوا ماما ضاعت ,,, قالت لنا اقعدوا هنا ,,

ويبكون قام الصغير قال ماما هناك ويأشر على الناحيه الثانيه

يقول طلعت هناك ويبكي والولد مرعوب مررررره

يوم طالعنا في الناحيه اللي يأشر عليها

لقيناها غرف خاصه مرتفعه نطلع لها بدرج بـ فلوس مغلقه وتفتح على صالة التزلج

قال الصغير ماما هناك ويأشر ويبكي

انا واختي طالعنا في بعض بذهول وتقريبا عرفنا وش السالفه

و امي على نياتها ماجا في بالها ولا شيء

قامت قالتلهم تعالوا معاي اوديكم عندها

ماهم راضيين يقومون يحسبون امي بتخطفهم ولا شيء لانهم مايعرفونا

المهم

طوال ما احنا واقفين معاهم وهم بس يبكون ويرتجفون والله من الخوووف

شووووووووووووي

الا نزلت من الدرج اللي قدامنا وحده ومعاها شاب

وبس شافوها الاولاد صاحوا بصوتهم وقاموا يركضون ناحيتها : مااااااااامااااااااا

الشاب اللي معاها شافنا واحنا نطالع فيهم

والله وجهه انقلب وراح على طول من الناحيه الثانيه ونزل من الدرج الكهربائي

والاولاد راحوا بدون اي تفكير ناحيه امهم يجرون لدرجة تركوا الشنطه والجوال ع الطاوله





تتوقعون وش القصه

وش السالفه

معقول مواعدته ؟؟؟؟؟؟؟؟؟؟؟؟؟؟؟؟؟؟؟

وليه تاركه اولادها لوحدهم في صالة الالعاب ؟؟؟

ومن هاذي الام اللي تترك عيالها الصغار اكبر واحد فيهم 7 سنوات في مكان زي كذا وبوقت العشا

ليه جالسه مع الشاب اللي شفناه في الغرف الخاصه

تدرون وش البلا انها لابسه عبايه ع الراس

يمكن انها متزوجه او يمكن انها مطلقه او يمكن انه زوجها ميت

ما ندري وش وضعها بالضبط

لكن اللي اعرفه انها والله ماتستاهل تكون أم

تمنيت اروح اكلمها واسمعها كم كلمه

لكن الموقف اذهلنا وتفاجئنا فييييييييييييييييييييييه

لان اول مره يصير زي كذا قدامي

مساكين اولادها . . . الله يعينهم على ما بلاهم

"

بس ابي اسأل سؤال واحد

وين قلب هذه الام ووين ضميرها ؟

يعني الخيانه ممكن نقبلها من بنت مراهقه مابعد تزوجت نقبلها بالقوه بعد

كيف لو كانت متزوجه وعندها ولدين Sad

والله شيء يخوف ويحزن بنفس الوقت . . . .

المايك لكم

( مـــــــــنـــــــــــــــــــقــــــــولـــــــــــــــــــة )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميسي
][ مشرف منتدى الشعر والشعراء ][
][ مشرف منتدى الشعر والشعراء ][
avatar

ذكر
عدد الرسائل : 101
العمر : 27
الموقع : http://r-taiz.tk/
بلد الاقامــة : اليمن
المزاج :
تاريخ التسجيل : 27/09/2007

مُساهمةموضوع: رد: خـائـنـه   الأحد فبراير 17, 2008 4:34 am

مشكووووووووور يا خواي على ها القصة قطعة قلبي Sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sahm@hotmail.com
 
خـائـنـه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة ومنتديات روح تعز العامه :: [ الاقسام الفكرية والثقافية ] :: [ منتدي القصص والرويات ]-
انتقل الى: